Гандлёва-эканамічнае супрацоўніцтва
Рэспубліка Беларусь забяспечвае нацыянальны рэжым у адносінах да тавараў з Рэспублікі Казахстан у адпаведнасці з Дагаворам аб зоне свабоднага гандлю ад 18 кастрычніка 2011 г. і Дагаворам аб Еўразійскім эканамічным саюзе ад 29 мая 2014 г.
Па аб'ёме беларускага экспарту Казахстан уваходзіць у дзясятку асноўных гандлёвых партнёраў Рэспублікі Беларусь і з'яўляецца трэцім сярод краін СНД.
9 чэрвеня 2022 г. адбылося сямнаццатае пасяджэнне Міжурадавай беларуска-казахстанскай камісіі па гандлёва-эканамічным супрацоўніцтве пад старшынствам Першага намесніка Прэм'ер-міністра Рэспублікі Беларусь Мікалая Снапкова і намесніка Прэм'ер-Міністра Рэспублікі Казахстан Рамана Скляра.
У двухбаковым фармаце рэгулярна праводзяцца пасяджэнні Падкамісіі па пытаннях развіцця супрацоўніцтва ў сферы прамысловай кааперацыі і ўзаемнага гандлю, Рабочай групы па выпрацоўцы перспектыўных напрамкаў супрацоўніцтва ў сферы сельскай гаспадаркі, Змешанай камісіі па міжнародных аўтамабільных зносінах.
Каардынацыя развіцця навукова-тэхнічнага супрацоўніцтва ажыццяўляецца ў рамках работы Беларуска-Казахстанскай камісіі па навукова-тэхнічным супрацоўніцтве.
Штогод праводзяцца пасяджэнні Савета дзелавога супрацоўніцтва Беларусі і Казахстана.
Тавараправодная сетка беларускіх прадпрыемстваў у Казахстане ўключае 40 суб'ектаў, а таксама больш за 170 суб'ектаў дылерскай сеткі. Функцыянуюць 7 сумесных зборачных вытворчасцей беларускай тэхнікі і абсталявання (ААТ «МТЗ», ААТ «Гомсельмаш», ААТ «МАЗ» – УКХ «БЕЛАВТАМАЗ», ААТ «УКГ „Бабруйскаграмаш” і інш.). У 1996 годзе створана Міжурадавая Беларуска-Казахстанская камісія па гандлёва-эканамічным супрацоўніцтве.
У Беларусі дзейнічаюць 50 прадпрыемстваў з казахстанскім капіталам, у тым ліку 18 сумесных і 32 замежных. У Казахстане дзейнічаюць 519 кампаній з беларускім удзелам.
