Аб заключэнні знешнегандлёвых здзелак онлайн
06.04.2021 г.З 1 студзеня 2021 г. партал інфармацыйнай падтрымкі экспарту Export.by прадастаўляе магчымасць заключаць знешнегандлёвыя здзелкі онлайн з дапамогай электроннага лічбавага подпісу (ЭЛП). Дадзены механізм прадугледжвае ажыццяўленне куплі-продажу тавараў, паслуг, тэхналогій, якія размяшчаюцца ў каталогах, цалкам у беспапяровым фармаце. Перад пачаткам выкарыстання механізму бакам неабходна атрымаць ЭЛП і зарэгістравацца на партале Export.by.
Для спрашчэння працы кампаній-нерэзідэнтаў Рэспублікі Беларусь ва ўмовах пандэміі, выкліканай COVID-19, распрацавана магчымасць дыстанцыйнай выдачы сертыфікатаў адкрытых ключоў праверкі ЭЛП нерэзідэнтам Рэспублікі Беларусь. Механізм дыстанцыйнага атрымання ЭЛП для нерэзідэнтаў Рэспублікі Беларусь, двухмоўныя інструкцыі для пакупніка і прадаўца размешчаны па спасылцы: https://export.by/electronic-transactions.
