Аб удзеле Пасла Беларусі А. Багданава ў ваенна-патрыятычным зборы моладзі «Айбын-2026»
26.06.2026 г.Надзвычайны і Паўнамоцны Пасол Рэспублікі Беларусь у Рэспубліцы Казахстан А.Багданаў і апарат аташэ па пытаннях абароны Пасольства прынялі ўдзел ва ўрачыстай цырымоніі закрыцця міжнароднага ваенна-патрыятычнага збору моладзі «Айбын — 2026».
У мерапрыемстве прынялі ўдзел Прэзідэнт Рэспублікі Казахстан Касым-Жамарт Такаеў, кіраўнікі дзяржаўных органаў, прадстаўнікі дыпламатычнага корпуса, грамадскіх арганізацый, а таксама больш за 1000 юнакоў і дзяўчат з усіх рэгіёнаў Казахстана і іншых дзяржаў.
Школьнікі і студэнты каледжаў спаборнічалі ў разборцы аўтамата, падцягванні на перакладзіне, адцісканнях ад падлогі, стральбе з пнеўматычнай вінтоўкі, ваеннай эстафеце, кросе, перацягванні ліны, інтэлектуальным конкурсе, робататэхніцы і smart-спаборніцтвах.
Асноўнай мэтай ваенна-патрыятычнага збору з'яўляецца выхаванне ў моладзі пачуцця патрыятызму, грамадзянскай адказнасці, лідэрскіх якасцяў, павагі да воінскіх традыцый, а таксама ўмацаванне дружбы і ўзаемаразумення паміж маладымі прадстаўнікамі розных краін.
